Os Arqueiros Teenses progresan na 2ª Xornada da Liga Galega ao Aire Libre
Os Arqueiros Teenses tiveron unha actuación destacada na 2ª xornada da Liga Galega de Tiro con Arco ao Aire Libre, celebrada esta fin de semana no campo do Clube Meigarco en Redondela. A cita estivo marcada inicialmente polo temor ás previsións de choiva, que finalmente non se cumpriron, permitindo o desenvolvemento normal da competición. Porén, nas últimas tiradas fíxose presente o vento, que afectou negativamente ao rendemento de moitos participantes, incluídos os arqueiros Teenses.
Os deportistas teenses compiten co Clube Adarve e amosaron unha clara progresión con respecto á primeira xornada da liga, mellorando tanto nas puntuacións como na clasificación:
- Pablo Belay Fernández subiu ao podio co 3º posto, mellorando a súa marca de 520 a 545 puntos, e avanzando do 8º ao 3º posto.
- Roberto Lois tamén protagonizou unha boa mellora, pasando de 460 a 505 puntos, e subindo do 15º ao 7º posto.
- Gonzalo Fernández Escudero incrementou a súa puntuación de 434 a 443 puntos, pechando a xornada no 18º posto.
Cómpre destacar tamén a gran actuación de Luis Fandiño, arqueiro da localidade de Ordes e tamén integrante do Clube Adarve, que acadou o 1º posto da clasificación, consolidándose como un dos nomes destacados desta tempada.
A próxima xornada da Liga Galega ao Aire Libre terá lugar novamente en Redondela, no campo do Clube Meigarco, o vindeiro 27 de abril de 2025, onde os Arqueiros Teenses agardan continuar nesta liña de progresión e bos resultados.
Ligazón a IANSEO
Video
Fotografías da xornada.
Use the share button below if you liked it.
It makes me smile, when I see it.